رسیدن به آسمایی :31.05.2008؛ تاریخ نشر در آسمایی :02.06.2008
ایمل هاشور
ډوډۍ
ډوډۍ
ډوډۍ
ډوډۍ
زما د لور بيه ده پنځه سوه افغانۍ *
راشئ زړه مې وپيرى
منګولې ښخې زما په عاطفه كې كړئ
زهر توى زما په زړه كې كړئ
رابعه جانې،**
وخانده
كاكا ته دې وخانده
وګوره په لاس كې يې ښايسته ډوډۍ ده
خوندوره
غنمګينه
خوندوره
غوړينه!
ما مې زړه ځوړند كړى
د حراج لپاره
څاڅكې څاڅكې سره وينه يې بهيږي
د تاراج لپاره
ما مې سترګې ځوړندې كړي
د حراج لپاره
تړمې تړمې اوښكې يې بهيږي
د تاراج لپاره.
وېپلوره
ويپلوره
بيه يې ده پنځه سوه افغانۍ
ډوډۍ
ډوډۍ
ډوډۍ!
* په كندز كې يوې ميرمنې د ولږې له امله خپله لور په ۵۰۰ افغاني خرڅه كړه
** سيد علي (مستعار نوم) خپله ۱۱ كلنه لور د ۲۰۰۰ امريكايي ډالرو په مقابل كې خرڅه كړه څو ميرمن او درې نور ماشومان يې له ولږې مړه نشي.